Жамбыл облысы әкімдігінің мәдениет, архивтер және құжаттама басқармасы Облыстық халық шығармашылығы орталығының ұйымдастыруымен «Көне Тараз» тарихи-этномәдени кешенінде (амфитеатр) Талас ауданы көркемөнерпаздарының «Әуенді Тараз кештері!» атты концерті өтті.
Ұлттық өнерді кеңінен насихаттап, жазғы мезгілде ашық аспан астында өңір тұрғындары мен қонақтарының бос уақытын тиімді пайдалану мақсатында ұйымдастырылған шарада Талас ауданы көркемөнерпаздары әсем әннен шашу шашты.
Концерттік бағдарлама аясында «Қазағым-ай», «Таласым», «Үш бақытым», «Туған жер», «Мен қазақтың ұлымын», «Көк шолақ», «Үш бақытым», «Сүгірдің термесі», Шәмші әндерінен папури және т.б ескі һәм есті шығармалар орындалды.
Сондай-ақ, «Уesterday», «Таң сыры», «Мен сіздерді жақсы көремін», «Жүрегімде жүрсің сен», «Әппағым», «Бауыр керек», «Үрбибі» т.б бірқатар заманауи әндер шырқалды.
Айта кету керек, іс-шара ағымдағы жылдың 26 тамызына дейін аудан өнерпаздарының қатысуымен әр аптаның жұма күндері «Көне Тараз» тарихи-этномәдени кешенінде өтетін болады.
