Тұрғындардың көлік қатынасы бойынша сұранысы негізінде үлкен сыйымдылықты «GOLDEN DRAGON» маркалы қоғамдық көліктер қалаға жеткізілді.
Жаңа автобустар «SMART CITY SERVISE» ЖШС-не тиесілі. Облыс әкімі Н.Нұржігітовтің серіктестік басшылығымен келіссөз жүргізуі нәтижесінде Тараздағы қоғамдық көліктердің қатары тағы да 10 бірлік жаңа автобуспен толықты.
Енді заманауи қоғамдық көліктер №9-бағытта жолаушыларды тасымалдайтын болады.
Автобустар Талас ауылынан бастап «Барысхан», «Қант зауыты» алқаптары, Балуан Шолақ көшесі, Төле Би даңғылы, шағын аудандар арқылы «Арай», «Қызыл Абад», «Шаңырақ» алқаптарына қатынайды. Қаладағы қоғамдық көліктерді жаңарту және санын арттыру бағытындағы жұмыстар алдағы уақытта да жалғасын таппақ.