Облыс орталығы – Тараз қаласында әртүрлі салада жетістікке жетіп, қоғамда белсенділік танытқандарға «Әулиеата үміті 2021» облыстық жастар сыйлығы табысталды.
Салтанатты шара Баласағұн орталық концерт залында өтті. Жеңімпаздарды аймақ басшысы Бердібек Сапарбаев «Татулықтың тірегі – Тәуелсіз ел жастары» форумы кезінде марапаттап, алғыс білдірді. Дәл осы шара кезінде алғаш рет жинақталған «Әулиеата жастары» облыстық жастар энциклопедиясының тұсауы кесілді. Жаңа энциклопедия 1200 дана таралыммен шықты.
Жинақта студенттік жылдардан әлеуметтік лифт қалыптастырып, бүгінде ел игілігіне қызмет етіп жүрген белсенді жастар мен танымал тұлғалар туралы жазылған. Шара сан салада қызмет етіп жүрген жас мамандардың деңгейін арттырып, жастар саясатындағы өзін-өзі басқару жүйесін қалыптастыруға жағдай жасауға бағытталған. Жамбыл облысы әкімдігінің жастар саясаты мәселелері басқармасы облыстың үздік жастарының тізімін жасақтаған энциклопедия құрамына алғаш рет Талас ауданынан 2020 жылғы “Жамбыл облысының үздік жас мемлекеттік қызметшісі” Талас аудандық мәслихат аппаратының бөлімше басшысы Құлыбай Дастан Рүстенбекұлының есімі енгізілді.
Талас ауданы әкімдігінің баспасөз қызметі
3
