Тараз қаласын Дүниежүзілік қолөнершілер қалаларының тізіміне енгізу мақсатында “Көне Тараз” тарихи, этно-мәдени кешенінде өткен “Тараз — шеберлер шаһары” атты қолөнершілер көрмесі мен концерттік бағдарламасы аясында Жамбыл облыстық тарихи-өлкетану музейінің қорында сақталған қазақ халқының этнографиялық бұйымдарынан киіз үй ішінде көрме жасақталды.
Көрмеге көшпелі қазақ халқының өмірінің, тұрмысының, мәдениетінің, дүниетанымының көрінісін бейнелейтін XVIII-XIXғғ. ұлттық нақыштағы ағаштан, теріден жасалынған тұрмыстық заттары, ыдыс-аяқтар және тоқыма бұйымдар жиынтығы қойылды. Көрмені Тараз қаласының тұрғындары мен қонақтары, сондай-ақ Дүниежүзілік қолөнершілер кеңесінің президенті Саад-аль Каддуми (Кувейт), Азия-Тынық мұқиты аймағы қолөнершілернің дүниежүзілік кеңесінің вице-президенті Муртазаев Азиз Махсудович (Ташкент), Жамбыл облысы әкімінің орынбасары Нұржан Сәбитұлы Календеровпен бірге тамашалады. Қонақтар қазақ халқының бай мұрасына тәнті болып, қызығушылық танытты.Жамбыл Облыстық Тарихи-өлкетану Музейі
