6 сәуір күні Тараз қаласының төбесінен өткен белгісіз жарық сәуле тұрғындардың зәресін алды. Аспан денесіне қатысты әлеуметтік желілерде түрлі болжам айтылуда — деп хабарлайды shanyraqinfo.kz ақпараттық агенттігі.
Ерекше құбылысқа куә болғандар жасыл жарық сәулелерін шашқан дене Тараз аспанынан түнгі сағат 23:00-де өткенін айтады. Кейбір куәгерлер оны видеоға да түсіріп алған.
Бұған қатысты әзірге ресми ақпарат айтылмауда. Алайда астрофизик Александр Серебрянскийдің жазуынша, бұл «болид» есімді ерекше метеорит көрінеді. Және оның атмосферамен жанасып өткен сәтіне Қырғызстан мен Өзбекстан мемлекетінің азаматтары да куә болыпты. Астрофизик болид метеоридін көру екінің-бірінің басына қона бермейтін бақ екенін де айтады. Сондай-ақ ол жерге жетпей жанып кетеді екен. Алайда оның салмағы 10 тоннаға дейін жетуі мүмкін көрінеді.
