Бүгінде баға тұрақтылығын сақтау – басты міндет. ҚР Президенті Қ.Тоқаевтың еліміздегі әлеуметтік-экономикалық жағдайды тұрақтандыру бойынша берілген тапсырмасына сәйкес жыл соңына дейін әлеуметтік маңызы бар азық-түлік бағасы мен коммуналдық төлемдер де өзгермеу қажет. Қарашаның қалтасын қағып, тауар құнын шарықтатып келгендерге де тұсау салынуда. Мемлекет бекіткен шекті бағаны сақтау, делдалдардың жолын кесу, жергілікті өнімнің базарлар мен дүкен сөрелеріне кедергісіз жетуі– жергілікті биліктің жіті назарында.
Тараз қаласы әкімдігі тарапынан қаладағы барлық сауда орындары мен дүкендерге бағаны көтермеу туралы түсіндіру жұмыстары жүргізілуде. Әлеуметтік маңызы бар азық-түлік тауарларына үстеме ақы 10-15 пайыздан асырмау туралы күнделікті түсіндіру және бақылау жұмыстарын жүргізу үшін 13 мониторингтік топ бекітіліп, тиісті жұмыстар атқаруда.
Шаһар басшысы Е.Жылқыбаев та шағын аудандар мен орталықтағы ірі сауда орындары, дүкендердегі бағаны бақылауына алған. «Тарго», «Сафият», «Құлынбек», «Юбилейный», «Арзан микс» дүкендеріне ескертусіз барған қала әкімі сатушылармен және тұтыншылармен тілдесті. Мемлекет басшысының тапсырмасына сәйкес бағаны шарықтатпау, яғни, ілеспе құжатта (накладной) көрсетілген бағадан 10-15%.-ға асырмау керектігін ескертті.
Осындай жүйелі жұмыстың нәтижесінде қала аумағындағы сауда орталықтарында әлеуметтік маңызы бар азық-түлік тауарлары бұрын 15-20 пайыз аралығында үстеме ақы қосып сатылса, қазіргі таңда 10 пайыздан аспай босатылуда.Сондай-ақ, бірқатар әлеуметтік тауарлар төмен бағада сатылуда.
Атап айтқанда:
«Арзан Микс» дүкенінде (Сәтпаев көшесі, 2Б) — көкөніс өнімдері;
«Құлынбек» дүкені (Сүлейменов көшесі, 34 ) – өсімдік майы 760 тг/л;
«Окей» дүкені (Жамбыл даңғылы, №7) – күріш 310 тг/кг, ас тұзы – 50 тг/кг;
«Юбилейный» супермаркеті (Ниетқалиев көшесі, 7) – ас тұзы 40 тг/кг;
«Нұрила» көтерме сауда орталығында (К.Әзірбаев көшесі, 2А) – жұмыртқа 33 тг/1 дана, пияз – 60 тг/кг, тауық еті – 890 тг/кг;
«Ақ Ниет» ет дүкенінде (Талас» (6) мөлтек ауданы, 17) – Сиыр еті 1850 тг/кг; Нан әр аптаның бейсенбі, жұма күндері тегін таратылуда;
«Абылайхан» дүкенінде (Жансая мөлтек ауданы, 14 үй) нан әр аптанын сейсенбі, бейсенбі күндері тегін таратылуда;
«Small»сауда орталығы (Жамбыл даңғылы 200) – күріш 229 тг/кг, тұз 45 тг/кг;
«Умида» дүкені (Абай даңғылы, 33) Нан әр аптаның жұма күндері тегін таратылуда;
«БК маркет» дүкені (Абай даңғылы, 44) Нан әр аптаның жұма күндері тегін таратылуда;
Тағы бір жағымды жаңалық. Енді арзан азық-түлік алу үшін арнайы әлеуметтік дүкен іздеп әуре болмайсыз. «Тараз» Әлеуметтік кәсіпкерлік корпорациясы» АҚ-ы тарапынан қала аумағындағы 5 ірі сауда дүкендері мен 2 базардаӘЛЕУМЕТТІК БҰРЫШТАРашылды.
Әлеуметтік бұрыштар«Смарт», «Сафият», «Дәмдес», «Нұрислам», «Алма» дүкендері мен «Ауыл береке» және «Қайқармет» сауда орталықтарында жұмыс істеп тұр. Мұнда әлеуметтік маңызы бар азық-түлік тауарлары нарық бағасынан төмен сатылуда. Мәселен күріш – 240 тг/кг, өсімдік майы – 560 тг/л, қарақұмық – 320 тг/кг, қант – 220 тг/кг, жұмыртқа – 300 тг/10 дана, рожки – 200 тг/кг, бірінші сұрыпты бидай ұны – 125 тг/кг тұрады.
Сондай-ақ, «Мыңбұлақ» м.а., №67 үй «Ислам ет» дүкенінде қала бойынша сиыр еті ең төмен бағада шамамен 1850-2300 теңгенің арасында (қабырға еті – 1850 теңге, төс еті – 2150 теңге, жая — 2300), «Талас» м.а. №14 үй «Ақ ниет» дүкенінде сиыр еті бағасы шамамен 1850-2900 (төс еті – 1850 теңге, жая – 2900 теңге) теңгеден және «Арай – 2» м.а. Домалақ ана көшесі, №5 үйдің маңындағы «Әлеуметтік» дүкенде сиыр еті 1868 (төс еті) теңгеден бастап сатылуда.
Сонымен қатар, облыс әкімі Б.М. Сапарбаевтың 2020 жылғы 17 қарашадағы №205 хаттамалық тапсырмасына сәйкес, әлеуметтік маңызы бар тауарлардың бағасын реттеу мақсатында «Тараз» Әлеуметтік-кәсіпкерлік корпорациясы» АҚ «Империя» ЖК-мен бірлескен қызмет туралы шарт жасасып, жаңа форматта 11 әлеуметтік дүңгіршектер ашылып, өз жұмыстарын атқаруда.
Олар:
- Абай даңғылы 157, «Смарт» дүкенінің маңы
- «Қарасу» ш.а. №18 үйдің маңы
- 15 ш.а. №31-33 үйлердің арасы
- 15 ш.а. №21-23 үйлердің арасы
- «Қант зауыты» алқабы, Рафинадная көшесі №1
- «Бәйтерек» ш.а. №18 үйдің маңы
- «Төңкеріс» т.а. №8 үйдің маңы
- «Аса» мөлтек ауданы №40 үйдің маңы
- «Шалғай Қарасу» алқабы, А. Байтұрсынов көшесі №28
- «Шөлдала» алқабы, Байзақ батыр көшесі № 55 мектептің маңы
- «Арай-2» ш.а. №5 үйдің маңы
Ал, «Талас» / «Виктория » дүкенінің, № 22 үйдің маңы/, «Қаратау» шағын аудандарында/№ 3 үйдің маңы/ ескі форматтағы әлеуметтік 3 дүңгіршек жұмыс істеп тұр.
Жыл соңына дейін жаңа форматта әлеуметтік дүкендердің санын 15-ке жеткізу жоспарлануда. Қазіргі уақытта Б.Майлин көшесі бойында әлеуметтік дүкеннің құрылысы жүргізілуде.
Осылайша, Таразда азық-түлікті қымбаттатпау үшін жан-жақты жұмыстар атқарылуда. Баға — бақылауға алынған. Ал, өзімбілермендікке салынғандар — алдымен 100 айлық, егер қайталанған жағдайда 400 айлық есептік көрсеткішке дейін айыппұл арқалайтын болады.
