Тараз қаласында «Таза Қазақстан» акциясы аясында қала аумағын абаттандыру және санитарлық тазалық жөніндегі көктемгі екі айлық жарияланып бүгін аяқталды. Қала әкімінің қаулысына сәйкес штаб құрамы, іс-шаралар жоспары және кәсіпорындар мен мекемелерге, барлық бизнес өкілдеріне тазалайтын көшелері бекітілген еді.
Екі айлық аясында жалпы 9 сенбілік өтті. Сенбілік жұмыстарына 29000-нан астам адам қатысты. Екі айлық мезгілінде жоспарланған 15 шақырым арық жүйесі, 230 шақырымдай қала көшелері және 388 030 шаршы метр аумақты қамтитын саябақтар тазаланды. Сонымен қатар, Қарасу-2, Үшбұлак,Түйте, Қапал каналдары қоқыстан тазаланды.
Барлығы шамамен 1500 тоннаға жуық күл-қоқыс қала аумағынан шығарылды.
Жалпы биыл қаланы көгеріштендіру аясында 5000 тал егу жоспарланған болатын. Екі айлық кезінде 4000 тал отырғызылды. Қалған 1000-нан аса тал күз мезгілінде егілетін болады.
Сонымен қатар, «Жасыл белдеу» бағдарламасы аясында «Қызыл-Абад» алқабына 10 000 тал егілді.
Алдағы уақытта қала аумағында сенбілік жұмыстары кестеге сай жалғасады.
