Таразда тыныштықты күзетіп, қауіпсіздікті қамтамасыз етуге дрон қолданылып жатыр, деп хабарлайды Шаңырақ инфо Қорғаныс министрлігіне сілтеме жасап.
« Оңтүстік» өңірлік қолбасшылығының Тараз гарнизоны қоғамдық тәртіпті қамтамасыз етіп, жергілікті жерді бақылау үшін «Skylark» барлау ұшқышсыз ұшу аппараттарын қолданып жатыр.
Олардың көмегімен әскери қызметшілер блокпостар мен жергілікті жердегі жағдайды бақылайды.
Сондай-ақ, әскери қызметшілер Тараз қаласындағы әуежайды да күзетіп тұр.
