Бір тәулік ішінде тәртіп сақшылары 40-тан аса қару мен түрлі оқ-дәрі қабылдаған. Арасында Калашников автоматтары, тапаншалар, оқтар бар.
Азаматтар көбіне анонимді ақпарат берумен шектеліп жатыр екен. Мысалы, полицияға қала тұрғындарының бірі қоңырау шалып, қарудың жатқан жері жайлы хабарлапты. Мекен-жайға жедел жеткен полицейлер 3 Калашников автоматы мен граната атқыш тауып алған. Бұл қарулардың нақты кімге тиесілі болғаны әзірге белгісіз.
Қазір қауіпті заттар сараптамаға жіберілген. Жалпы, бір аптаның ішінде аймақта 100-ден астам түрлі қару-жарақ тәркіленіпті.
