2022 жылғы 25 наурызда сағат 22.30 шамасында қаланың шағын аудандарының бірінде орналасқан дәріханаға 20-25 жастағы медициналық бетперде киген екі белгісіз адам баса- көктеп кіріп келген.
Тапаншаға ұқсас затпен қорқытып, фармацевтердің алдындағы витринаны сындырып, 37 000 теңге сомасындағы ақша қаражатын иемденген. Осыдан кейін олар қылмыс орнын тастап, белгісіз бағытқа қашып кеткен.
Аталған дерекке қатысты ҚР ҚК 192-бабы 3-бөлігінің 4-тармағы (бір топ адамдар алдын ала сөз байласып, қаруды немесе қару ретінде пайдаланылатын заттарды қолданып, өндірістік үй-жайға заңсыз кіріп-шыққан қарақшылық дерегі) бойынша сотқа дейінгі тергеу амалдары басталды.
Жүргізілген жедел-іздестіру іс – шараларының нәтижесінде ізін суытпай полиция қызметкерлері екі күдіктіні-облыс орталығының 17 жастағы тұрғындарын анықтап, ұстады.
Күдіктілер өз кінәсін толық мойындап, уақытша ұстау изоляторына қамаққа алынды. Тергеу амалдары жалғасуда.
