Елімізде тарихи-мәдени ескерткіштерді қорғап-сақтау бойынша жан-жақты, тұрақты жұмыстар атқарылуда. Бұл жұмыстарға мемлекет тарапынан әрдайым көңіл бөлініп, қолдау көрсетіледі.
Жамбыл облысы – еліміздің тарихи ескерткіштерге бай өңірлерінің бірі. Бүгінгі таңда облыс аумағында үш мыңнан астам тарихи орындар бар.
Қазақтың байтақ даласында ел, халық болып мақтан етер дүниенің бәрі ұлттық мәдениеттің құндылықтарынан бастау алады. Құнды мұраларымызды асқақтата түсу – бәрімізге ортақ парыз.Биыл Жамбыл облысы үшін ерекше жыл. Киелі, құт дарыған өлкенің облыс болып құрылғанына 85 жыл толып отыр. Осыған орай, жыл бойы өңірімізде көптеген жобалар іске асырылды. Соның бірі облыс әкімдігінің тапсырмасымен Әл-Фараби атындағы Қазақ ұлттық университеті «Қарасай петроглифтеріне» ғылыми-зерттеу және нысанды бейімдеу бойынша жұмыстар атқарылды.Бұл өткеннің өнегесіне, халықтың қазынасына, ғасырлар шежіресіне, тарихи тағылымдарға мән беріп, кейінгі жас ұрпаққа аманат етудің ғибратты үлгісі болары сөзсіз.Тарихын білген тұғырға көтеріледі, мәдениетін игерген мәртебелі болады, жәдігері көп ел жаһанға таралады.Атқарып отырған игі істеріміз ел сенімін ақтасын, тарихымыз сақталсын.Өңірдегі осындай тарихи ескерткіштерді зерттеу, сақтау, қалпына келтіру және жас ұрпаққа насихаттау – басты борышымыз деп білемін. Бұл игі іс жалғасын табатын болады.