2023 жылы Ташкентте (Өзбекстан) өтетін әлем чемпионатынан алтын медаль жеңіп алған қазақстандық боксшыларға қомақты ақшалай сыйақы беріледі деп хабарлады turkystan.kz.
ҚФБ басшысы Кеңес Рақышев жеңімпаздарға Халықаралық бокс қауымдастығының (IBA) ресми сыйақысы – «алтын» үшін 200 мың доллардан бөлек, Қазақстан бокс федерациясының 100 мың доллары да берілетінін айтты. Осылайша, 2023 жылғы әлем чемпионатының жеңімпаздары үшін жалпы жүлде қоры – 300 000 доллар.
Ташкентте өтетін әлем чемпионатына қатысатын Қазақстан құрамасының тізімі мынадай: Санжар Ташкенбай (48 келі), Сәкен Бибосынов (51 келі), Махмуд Сабырхан (54 келі), Серік Теміржанов (57 келі), Талғат Сырымбетов (60 келі), Санатәлі Төлтаев (63,5 келі), Дулат Бекбауов (67 келі), Асланбек Шымбергенов (71 келі), Нұрқанат Райыс (75 келі), Нұрбек Оралбай (80 келі), Сағындық Тоғамбай (86 келі), Айбек Оралбай (92 келі) кг), Қамшыбек Күнқабаев (+92 кг).
https://turkystan.kz/article/221112-tashkentte-altyn-algan-boksshylarga-kansha-syyaky-beriledi/
