Жамбыл облысындағы «Бейбітшілік және келісім» жобасы негізіндегі кезекті кездесуі ағымдағы жылы Меркі ауданының Меркі және Сарымолдаев ауылдарында жалғасты.
Жамбыл облысы әкімдігінің ішкі саясат басқармасының облыстық Қазақстан халқы ассамблеясының хатшылығы-этносаралық қатынастар мәселелері жөніндегі бөлімінің басшысы Құдайберген Рысдәулетов, «Қоғамдық келісім» КММ басшысы Мүбарак Жиынақбаева және осы мекеме қызметкерлері ауыл ақсақалдары, ардагерлер, билер кеңесінің төрағалары, көп балалы батыр аналар, этнос өкілдерінің басшылары мен белсенділері, қандастар, жастар ресурстық орталығының өкілдерімен кездесіп, ауылдағы ағайынның ахуалымен танысты.
Кездесудің басты мақсаты облыс аймағындағы этнос өкілдері тығыз орналасқан этнокарта негізінде этносаралық жай-күйді зерделеу болатын. Сондай-ақ, қоғамдық келісім мен ұлттық бірлікті нығайту, этносаралық қақтығыстардың алдын алу бойынша жұмыстар жүргізілу барысын қадағалау болатын
Мақсатқа сәйкес жиын барысында саяси реформалардың, Жаңа Қазақстаннның идеялары мен құндылықтарының маңызы, жалпыелдік «Бірлік даму үшін!» ұранымен этносаралық келісім түсіндіріліп, округ тұрғындарының түйіткілді мәселелері тыңдалды. Өңірлік этнос және конфессияаралық жағдайлар проблемалық мәселелерді анықтау, оларды шешу бойынша ұсыныстар қаралды.
Сонымен қатар, іс-шара барысында «Қоғамдық келісім» КММ ҒСТ бас сарапшысы Ербол Қаншымбеков пен жастар ісі бойынша маман Рахат Ерханұлы ауыл жастарын жинап тимбилдинг өткізді. Онда округ жастарына қазақстандық қоғамдық келісім негіздерін, патриотизм, бірлік пен бірегейлікті түсіндіру жұмыстары жүргізілді.
Округтегі этнос өкілдері арасындағы жағдайларды зерттеу шеңберінде көп балалы аналармен «Қоғамдық келісім» КММ бөлім басшысы Аққу Қаратаеваның сырлы сұқбаты еді. Батыр аналармен болған өзекті әңгіме барысында этностар жинақы тұратын елдімекендердегі әр түрлі мәселелер бойынша кеңес беріліп, аналар тәрбиесі турасында әлеуметтік мәселелер көтерілді. Бұдан өзге ерте некеге тұру, ерте жүктілік, қыз балаларды әуелі білім алуға насихаттау және т.б бірқатар мәселелердің ара жігі ажыратылды. Арасында кейбір аналардың шешімі қиын проблемалары бойынша жеке қабылдау өткізіліп, кеңес берілді.
«Қоғамдық келісім» КММ
Баспасөз қызметі орталығы
