©ЭК/Валерий КАЛИЕВ
Елімізде намаз оқып, дінге бетбұрғандардың қатары жыл сайын артып келеді. Алайда халықтың рухани сұранысын қамтамасыз ете алып отырмыз ба?
Нұр-Мүбарак университетінің Ақтөбе облысындағы дайындық бөлімінің басшысы, республикалық ақпараттық түсіндіру тобының мүшесі, теолог Төлеген Талдыбаев осы мәселе төңірегінде Экспресс К тілшісіне айтып берді.
Теологтың айтуынша, қазір қаласақ та, қаламасақ та дінге бетбұрғандар көбейіп келеді. Алайда халықтың рухани сұранысын қанағаттандыра алмай отырмыз. Бұның себебі көп. Біріншіден, мешіттерге уақытында имам қойылмайды. Адамдар дінге қатысты сұрақтардың жауабын кімнен аларын білмейді. Екіншіден, имамдарға әлеуметтік көмек көрсетілмейді.
— Мәселен, қазір Ақтөбенің 7-8 мешітінде имам жоқ. Имамдар үймен қаматамасыз етілмеген. Діни білім алып келген жасқа әлеуметтік көмек мүлде көрсетілмейді. Жұмыс істейтін кез-келген адам зейнетақы қорындағы ақшасын жинап, 15-20 жылдан кейін баласын оқытып немесе емделуіне болады, ал бұларда ондай үміт жоқ. Тұратын жері жоқ. Садақадан түскен ақшаға нәпақасын тауып отыр. Осындай деңгейде отырып халықтың рухани сұранысын қалай сапалы қамтамасыз етеді? Бұл мәселе ешкімді қызықтырмайды. Осы ретте ауылда, аудандық жерде отырған имамдарға сабыр тілеймін, — дейді Төлеген Талдыбаев.
Теологтың айтуынша, әкімдікке жас маманды жұмысқа алған кезде оған қандай әлеуметтік пакеттер берілсе, сол сияқты имамдарға да жағдай жасалуы керек.
«Әкімдіктегі бір адам жұмысынан шығып кетсе, мемлекетке қауіп төнбеуі мүмкін. Ал адамдардың рухани сұранысын бермесең, олар көшеде жарылыс жасауы ықтимал. Әлі күнге дейін осы мәселені сезіне алмай жатырмыз. Осыны реттейтін уақыт келді», — дейді теолог.
Имамдарға әлеуметтік қолдау көрсетіліп, мемлекеттік қызметкерлермен теңестірілгенде ғана, олардан дұрыс нәрсені талап ете аласың. Қазір нені талап етесің? Ол түстен кейін садақаға кетіп қалады. Басқаша қалай күн көреді?,
Оның айтуынша, арнайы бағдарлама қабылдап, осының ішінде барлық мәселе қарастырылуы керек. Бағдарлама тек салафилік бағытқа өтіп кеткендердің айналасымен шектелмеуі тиіс. Салафилік көзқарастағылардың санын азайту үшін халық дәстүрлі рухани сұранысқа бағыт алуы керек.
Мәселен, бір мешітте кем дегенде 20-ға жуық діни идеологтар жұмыс жасауы керек. Бірі уағыз айтса, бірі адамдармен жеке кездесіп, енді бірі келген адамдардың сұрақатарына жауап беруі керек. Сонда ғана руахни сұрансты қаматамсыз етуге болады,
Имамдар түрмедегі сотталғандармен де жұмыс істейді. Түрлі адаммен сөйлеседі. Бір адаммен 1 сағат, тіпті одан да көп уақыт әңгімелеседі. Ал сотталғандардың ішінде құрт ауруына шалдыққандар бар. Осындай адамдармен жұмыс істеген имамдарға ешқандай әлеуметтік пакет қарастырылмаған. Негізінде мұндай жерде имам емес, арнайы топ жүруі керек.
Төлеген Талдыбаев сыңаржақ көзқарастағылармен күресу үшін де алдымен имамдарға, осы салада жұмыс істеп жүрген мамандарға жағдай жасалуы керек екенін айтады.
Жас маман жоғары оқу орынынан алған білімін әлеуметтік желіде насихаттап табыс тапқанды тәуір көреді. Өйткені, дұрыс еңбекақы болмағаннан кейін, имам болып жұмыс істегісі келмейді,
Экспресс К бұған дейін салафизміді елімізге кімдердің әкелгенін және Қазақстан түрмелеріндегі салафизм жөнінде жазған болатын.
