2022 жылғы 7 сәуірдегі дауылды жел салдарынан зардап шеккен нысандар туралы
Қала аумағыда 2022 жылы 7 сәуір күні жылдамдығы 15-20 м/с, кей уақытта екпіні 25 м/с болатын дауылды жел тіркелді.
Дауылды жел салдарынан құлау қауіпі бар талдар туралы өтініштер келіп түскен. Бұл орайда, «Жасыл ел – Тараз» серіктесітігі тарапынан 2 бригада жұмылдырып, зерделеу жұмыстары нәтижесінде қауіп жоқ екені анықталды.
Қала тұрғындары тарапынан жеке немесе көп пәтерлі тұрғын үйлердің шатырлары ұшқандығы туралы өтініштер түспеген, дегенмен қала әкімдігінің тұрғын үй қатынастары бөлімі тарапынан зерделеу жұмыстары жүргізілуде.
Білім және денсаулық сақтау нысандарында зардаптар тіркелмеген.
Электр қуатын жеткізу желілері бойынша «ЖЭС» серіктесінің орталық диспетчерлік қызметіне Жамбыл ауданындағы ГРЭС мекемесінен келетін №157,158 подстанцияларда апатты өшірулер туралы хабарлама тіркелді. Осының салдарынан қаланың бірнеше көшелерінде, сол маңда орналасқан мекемелерде электр жарығы өшіп отыр.
Қазіргі таңда №157 электр подстанциясы толығымен іске қосылды. Ал, №158 электр подстанциясында қалпына келтіру жұмыстары 6 бригадамен жүргізілуде..
«Жамбыл Су» мекемесінің кейбір насос станцияларында электр энергиясының өшуіне байланысты қала су беру уақытша тоқтатылған болатын. Электр қуатының қосылуына байланысты ішінара су беру қалпына келтірілді.
Бағдаршамдарда электр қуатының жоқтығына байланысты, жол көлік оқиғаларын болдырмау және көлік кептелісін туындатпау мақсатында патрульдік полиция тарапынан кезекшілік ұйымдастырылды.
Жамбыл облысы әкімдігінің «109» бірыңғай орталық диспетчерлік қызметіне 72 өтініш түскен, оның ішінде 71-і электр жарығының болмауы және 1 өтініш ағаштың құлау қауіпі бар туралы.
Электр жарығының сөнуі келесі мекенжайларда орын алған: «Самал», «Аса», «Жайлау», «Жансая» және №15 ықшамаудандары, Асқаров, Мамбет батыр, Аққозиев, Желтоқсан, Райымбек батыр, Байтана батыр көшелері және Төле би даңғылы, «Төрткөл», «Арай» және «Шалғай Қарасу» тұрғын алқаптары.
Электр жарығы бойынша түскен 71 өтініштің 32-і орындалып, электр қуаты берілді. Қалған мекенжайлар бойынша тиісті жұмыстар атқарылуда.
