Төле би атындағы орта мектептің қазақ тілі мен әдебиеті, орыс тілі мен әдебиет және ағылшын пәні мұғалімдері бірлесе отырып, Қазақстан халқы тілдері күні мерекесіне орай түрлі іс-шаралар ұйымдастырды.
Алғашқы өткізілген іс–шара «Тіл — достықтың алтын көпірі» тақырыбындағы өзге ұлт өкілдерімен көркемсөз оқу байқауы. Байқау барысында мектеп директорының оқу–ісі жөніндегі орынбасары К.Ажибекова құттықтау сөз сөйлеп, оқушыларға тиісті марапаттарын табыс етті. Нәтижесінде қарсыластарынан басым түсіп, жүлделі I орынды 7 «д» сынып оқушысы Арзу Навризова алды. II орынды Жадыра Папаладзе мен Элиф Аббасова иеленсе, III орынға Зуляль Кадырова мен Шуша Сулейманова ие болды.
Бұдан бөлек, ағылшын тілі пәнінің мұғалімдері «English in action» тақырыбында сыныптан тыс сағаттар өткізсе, орыс тілі пәні мұғалімі М.Түменбаева «Язык – основа дружбы»
тақырыбында эссе байқауын ұйымдастырды. Қазақ тілі мен әдебиет пәні мұғалімдерінің ұйымдастыруымен «А.Байтұрсынұлы — қазақ тілі білімінің атасы» тақырыбында әдеби сазды кеш өткізіліп, Қазақстан халқы тілдері күні мерекесіне арналған онкүндік апталық өз мәресіне жетті. Кеште мектеп директоры М.Т.Султанова құттықтау сөз сөйлеп, осы іс-шараларды ұйымдастырған барлық мұғалімдерге және оқушыларға өз алғысын білдірді.
А.ҚҰТТЫБЕКОВА,
Төле би атындағы орта мектептің қазақ тілі мен әдебиет пәні мұғалімі.
