https://www.facebook.com/photo?fbid=1094316369530091&set=pcb.1094317982863263
1989 жылы 22 қыркүйекте Қазақстанда «Тілдер туралы» заң қабылданып, Қазақ КСР-нің мемлекеттік тілі – қазақ тілі, ал орыс тілі – ұлтаралық тіл деп бекітілді. Бастапқыда бұл мереке 22 қыркүйекте, ал «Қазақстан Республикасындағы мереке күндерінің тізбесін бекіту туралы» Қазақстан Республикасы Үкіметінің 2017 жылғы 31 қазандағы №689 қаулысына сәйкес мереке 5 қыркүйекке – қазақ ағартушысы және ғалымы Ахмет Байтұрсыновтың туған күніне бекітілді.Бүгін аудандық «Коворкинг» орталығында аудандық орталықтандырылған кітапханалар жүйесінің ұйымдастыруымен 5 қыркүйек – ҚР халықтары күні және Ахмет Байтұрсыновтың туған күніне орай «Тіл- ең асыл құндылық» атты дөңгелек үстел өтті. Дөңгелек үстелге зиялы қауым өкілдері, кітапхана қызметкерлері мен жастар қатысты.Шарада ҚР Журналистер Одағының мүшесі, Аудандық ардагерлер кеңесі төрағасының орынбасары Диханбай Ақділда құттықтау сөз сөйлеп, тілдің ұлттық қазына, байлығымыз, халықтың күре тамыры, достық көпірі екенін тілге тиек етті.Кеште өзге ұлт өкілдері Махмедова Эльвира, Айдарова Сайран, Бадиров Юсуп, Ахмедова Румейса, Лесикова Елена, Кожевникова Елизавета, Фахрутдинова Асаля әдеби композицияны орындаса, Ахмет Байтұрсыновтың өлеңі мен Байтұрсыновқа арнау өлеңдерін кітапхана оқырмандары Асқар Нұрмахан мен Кеңесов Абылай және Айтжан Альбина мәнерлеп оқыды. Жас өнерпаздар Бадирова Фелис мен Айдарова Зарина «Ананың тілі», аудандық мәдениет үйінің әншісі Сейдіш Диана «Отаным» әнін нәшіне келтіріп орындады. Сондай — ақ, «Ұлт анасы — тіл» атты кітап көрмесіне кітапхана қызметкері Қошаева Гүлнұр библиографиялық шолу жасады.Дөңгелек үстелді аудан әкімдігінің мәдениет және тілдерді дамыту бөлімінің басшысы Салтанат Жақсыпейілова қорытындылап, іс — шараға белсене атсалысқандарға Алғыс хаттар мен бағалы сыйлықтар тапсырды.
