Аудан әкімі мен оның құрылысқа, идеологияға және ауылшаруашылық жөніндегі орынбасарларының күнтізбелік іс-шаралары мен жұмыс сапарын үйлестіруге, мекенжайға уақытылы жеткізуге үлес қосып жүрген жүргізушілердің еңбегі ерен десек артық айтпаймыз. Әдетте жүргізушілердің жұмысы көзге көріне бермейді. Бұл тұрғыда арлы-берлі қатынап, темір тұлпардың тізгінін ұстаған аудан әкімі аппаратының жүргізушілеріне үлкен жауапкершілік жүктелген. Іс-шаралар жоспарында бір күннің өзінде талай елді-мекенді аралап, маңызды басқосуларға тұп-тура мерзімінде басшыларды жеткізіп жүрген жүргізушілер темір тұлпардың қыр сырын жақсы біледі.
