Қоғам қайраткері және кәсіпкер Арман Шораев мемлекет басшысы қаңтар оқиғасынан неге сабақ алу керектігін айтты.
«Елде бәрі бұрынғыдай қалса, ол айтқан саяси реформалар шындыққа жанаспайтын уәде болып шықса, қаңтар трагедиясының сценарийі қайталанады. Ал бұл жолы Тоқаевтың өзі халықтың құрбанына айналады» деді Шораев өзінің сұхбатында.
Кәсіпкер қаңтар оқиғасының артында ресейлік арнайы қызмет болуы мүмкін деген болжамымен бөлісті.
«Қазақстандағы мұндай толқудан ресейліктер пайда көрді. Содан кейін «ақ боз ат мінгізіп», ҰҚШҰ әскерлерімен елге кіріп, жағдайды құтқарушы ретінде әрекет ете алатын еді» деді ол.
Шораев Ресей Украинада жоспарланған «арнайы операциясы» кезінде Қазақстанды әскер жіберуге міндеттегісі келгенін айтты. Себебі, қаңтарда елдегі тәртіпсіздікті басуға бірінші болып көмек қолын созған Ресей.
Еске салсақ, Тоқаев Ресей президенті Владимир Путинге «қарыз» деген қауесетке жауап берген.
https://kaz.orda.kz/to-aev-aza-standy-tardy-kelesi-rbany-boluy-m-mkin-shoraev/
