Президент Қасым-Жомарт Тоқаевтың Жарлығымен Ләззат Қалтаева Сенат депутаты болып тағайындалды, деп хабарлады turkystan.kz akorda.kz-ке сілтеме жасап.
«Мемлекет басшысының Жарлығымен Қалтаева Ләззат Молдабекқызы Қазақстан Республикасы Парламенті Сенатының депутаты болып тағайындалды», – делінген хабарламада.
Ләззат Қалтаева 1965 жылдың 4 ақпанында Қызылорда қаласында дүниеге келген.
1987 жылдың маусым айынан бастап Фрунзе аудандық мүгедектер қоғамында хатшы-референт, одан кейін басшының орынбасары ретінде қызмет атқарды.
1990 жылдан бастап 1997 жылға дейін «Тұмар» ЖШС-нде және «Виктория» ЖШС-нде маркетинг инженері қызметінде болды.
1997 жылдан бастап 2000 жылға дейін «ДАЭКО» ЖАҚ-нда, «Дәнекер» ЖАҚ-нда, «Қазақстанаудит» ЖАҚ-нда бағалы қағаздармен мәмілелер жасау жөніндегі маман қызметін атқарды.
2001 жылдан бастап осы уақытқа дейін «Шырақ» мүгедектігі бар әйелдер қауымдастығы” ҚБ, «Мүгедектігі бар адамдардың Орталық-Азиялық форумы” ЗТБ төрағасы.
Білімі жоғары, Каспий қоғамдық университетін «заңгер” мамандығы бойынша тәмамдаған.
Мемлекеттік марапаттары: «ҚР Тәуелсіздігіне 20 жыл» мерейтойлық медалі, «Құрмет ордені».
https://turkystan.kz/article/165518-165518/
