«Бірлігі жарасқан» жобасы аясында Тараз сервис және технологиялық колледжінде келелі кездесу ұйымдастырылды.
Жиынға «Қоғамдық келісім» КММ Ғылыми-сараптамалық бөлімінің басшысы Ербол Қаншымбеков және жобаларды іске асыру және ҚХА құрылымдарымен жұмыс жөніндегі бөлімінің жетекші сарапшысы Алмас Ақынтай қатысып, аталмыш колледж жастарына этносаралық татулық, қоғамдық келісім мен бірлік құндылықтары туралы баяндады.
Атап өтсек, Ербол Бектұрғанұлы 87 этностар өмір сүретін Жамбыл жеріндегі толеранттылық пен татулық жайын өрбітсе, Алмас Саятұлы бірлік пен келісім жолындағы Ассамблеяның 30 жылда еңсерген толайым табыстарын кеңінен айтып өтті.
Кездесу соңында жастар спикерлерге сұрақ қойып, ашық пікір алмасты.
Айта кетейік, аталмыш жоба аясындағы кездесу облыстық «Жасыл ел» еңбек жасағы орталығы мен Тараз теміржол көлік және коммуникация колледжінде де өтті.
