Томирис Байсафаның ісі: 13 жылға сотталған Меджидовтың адвокаттары аппелляциялық шағым түсірмек
Қазақстандық студент қыздың өліміне кінәлі деп танылған Дағыстанның бұрынғы премьер-министрінің баласы Мұртузали Меджидовтың адвокаттары апеллияциялық шағым түсірмекші, деп хабарлайды Stan.kz ақпарат агенттігі “КТК” телеарнасына сілтеме жасап.
Меджидовтың қорғаушысы сот шешіміне аппеляциялық шағым түсіретінін хабарлады.
Естеріңізге салайық, өткен аптада Мәскеудегі Измайлов сотының қазылар алқасы Томирис Байсафаны өлтіргені үшін Меджидовты 13 жылға бас бостандығынан айырған болатын. Бір жылдан кейін қайта қаралған істе Мұртузали Томиристі терезеден қасақана итеріп құлатқаны дәлелденген.
- «Олар менің бұрынғы күйеуіме ақша ұсынған»: Томирис Байсафаның анасы Меджидовтың Қазақстанда сотталғанын қалайды
- Сот Томирис Байсафаның өліміне қатысты Меджидовты ақтау үкімін жойды
2018 жылдың сәуір айында Мәскеудегі Халықаралық қатынастар институтында оқитын отандасымыз Томирис Байсафа оқу орнының төртінші қабатынан құлап кеткен болатын. Ауыр жарақат алған қазақстандық студент сол күйі есін жимастан қайтыс болды. Алғашында тергеу комитеті «өз-өзіне қол жұмсауға жеткізу» бабы бойынша іс қозғады.
2020 жылдың шілдесінде Дағыстан үкіметінің бұрынғы басшысы, беделді бизнесменнің ұлы Мұртузали Меджидов Томиристің өліміне қатысты күдікті ретінде қамауға алынды. Алайда былтыр жазда өткен қазылар алқасының қатысуымен өткен сотта ақталып шығады. Бірақ марқұм қыздың ата-анасы бұған келіспей, апелляциялық сотқа шағым түсіреді. Осылайша бұл іс қайта қаралып, экс-шенеуніктің баласы 13 жылға темір торға тоғытылды.
Томиристің анасы Жанна Ахметова Мұртузали Меджидов кінәсін сол күйі мойындамады, бізден кешірім де сұрамады деп қынжылды.
https://stan.kz/tomiris-baysafanin-isi-13-zhilga-sottalgan-medzhidovtin-366614/
