Қордай ауданы әкімдігінің ішкі саясат бөлімінің «Жастар ресурстық орталығы» коммуналдық мемлекеттік мекемесі және Бұқаралық спорттық іс-шаралар өткізу орталығында 22 наурыз – мерекесіне орай «Қош келдің, Наурыз!» атты ұранымен аудан жастары арасында кіші футболдан ашық турнир ұйымдастырылып өткізілді.
Салауатты өмір салтын қалыптастыру, денсаулықты күшейтіп және дене тәрбиесімен спорт жүйесін дамытып, достық қарым-қатынасты нығайту. Спорттық ойындарды өткізу арқылы қоғамда, оның ішінде ауылдық жерлерде бұқаралық спорт түрлеріне деген қызығушылықты арттырып, насихаттау.
Аталған жарысқа 29 жас аралығындағы 7 команда ойнады. Жастар белсене қатысып, әр команданың ойыншылары қарсыластарын жеңіп өз командаларының беделін көтеруге тырысып ат салыса ойнады. Ойын өте қызықты, әрі көңілді өтті. Жарыс нәтижесі бойынша I орынды «Вет-стансия» командасы, II орынды «Номад» командасы, ал III орынды «Қыран» командасы иеленді.
Жарыстың жеңімпаздары «Жастар ресурстық орталығы» КММ-нің бағалы сыйлықтарымен және диплом, алғыс хаттармен марапатталды.
Қордай ауданы
