Денсаулық сақтау саласында Сарысу ауданында жүйесін тапқан жұмыстар жетерлік. Соның есесінен аурушаңдық азайын, жаңа нысандар ел игілігіне берілуде.
Мәселен ағымдағы жылдың қаңтар-қазан айларында 864 нәресте дүниеге келіп, 2019 жылдың тиісті кезеңімен салыстырғанда туу көрсеткіші 134 нәрестеге артқан.
Ауру деңгейі 1 000 адамға шаққанда 2020 жылдың қаңтар-қазан айларында 3800 науқасты құрап, 2019 жылдың тиісті кезеңімен салыстырғанда 8 118 адамға төмендеді.
Қатерлі ісікпен аурушаңдық 40 науқасты құрап, 9 адамға төмендеген (2019 жылы – 49 адам). Сарып ауруы бойынша 2020 жылы қаңтар-қазан айларында 40 науқас тіркелген (2019 ж. — 24).
2020 жылы денсаулық сақтау саласы бойынша 3 нысанда (Жаңатас қаласындағы жұқпалы аурулар бөлімшесі, Саудакент ауруханасының емдеу корпусы және Саудакент ауылдық бөлімшесі) 615 миллион 306,3 мың теңгеге күрделі жөндеу жұмыстары жүргізіліп, игілігін ел көріп отыр.
