Мемлекет басшысы Қасым-Жомарт Тоқаевтың «Жаңа Қазақстан: жаңару мен жаңғыру жолы» атты халыққа арнаған Жолдауындағы көтерілген мәселе көптің қолдауын туғызды.
Ия, бұған дейін Шымкент республикалық маңызы бар қалаға айналып, облыс орталығы Түркістанға көшірілген болатын. Мемлекет басшысының бұл бастамасына дүйім ел қуанып, ортақ тілектерін білдірген еді.
Жолдауда айтылғандай, облыстардың қатары тағы да толыға түсті. Бұл мәселе осы уақытқа дейін бірқатар өңір тұрғындары тарапынан көтеріліп келген болатын. Енді міне, халықтың ұсыныс-тілегі ескерілді. Бұл жаңалыққа жекелеген өңір тұрғындары ғана емес, күллі қазақ елі қуанды.
Ең алдымен, Семей аймағында Абай облысын құруды ұсынамын. Семей жаңа облыстың орталығы болады. Осы мәселені аймақ тұрғындары көптен бері айтып жүргенін білемін. Қазір ол жақта шешімін таппаған түйткілдер аз емес. Мысалы, аймақтың ішкі инфрақұрылымы әбден тозған. Кезінде Алаш арыстарының басын қосқан Семей қаласының жағдайы да мәз емес. Біз тарихи әділдікті орнатып, ұлыларымыз дүниеге келген киелі өлкені қайта жаңғыртуға тиіспіз,-деді.
Халықтың көптен күткені де-осы. Сонымен қатар, Жетісу және Алматы облыстары құрылды. Алматы облысының орталығы Қапшағайда орналасса, Жетісудың әкімшілік орталығы болып, Талдықорған қаласы аталды. Бұдан бөлек, жаңадан Ұлытау облысы да құрылды. Жезқазған қаласы ашылғалы жатқан өңірдің орталығы болып саналды.
Жолдауда Қасым-Жомарт Кемелұлы Қапшағай қаласына мемлекет және қоғам қайраткері Д.Қонаевтың есімін беру туралы ұсыныс білдіріп, оны қолдайтындығын жеткізген еді.
Біз осылайша, өңірді көркейту арқылы ұлттық құндылықтарымызды өскелең ұрпақтың санасына берік сіңдіре аламыз.
