Шетелдік танымал блогер Артур Бабич өзінің «Мармеладка» деп аталатын хит әнін қазақ тілінде орындады деп хабарлады turkystan.kz

Блогер жаңа нұсқадағы әннің үзіндісін Instagram-дағы парақшасында жариялады. Әннің YouTube желісіндегі алғашқы, орыс тіліндегі бейнебаяны 18 миллион қаралым жинаған.

Жастар арасында танымал болған әннің қазақша нұсқасы көпшілікке ұнады. Желідегілер блогерден армян, қырғыз, өзбекше ән жазуын сұрап жатыр.

Артур Бабич акцентпен сөйлейтінін айтып, қазақстандық оқырмандарынан алдын ала кешірім сұрады. Қазақстандағы жанкүйерлері мұның еш әбестігі жоғын, әнді қазақ тілінде жақсы орындағанын айтты.