Әулиеата ауданында орналасқан Шайқорық орта мектебі мен «Ақбота» бөбекжай-бақшасы оқушыларының ата-аналары және педагог мамандарының қатысуымен вакцинацияның маңыздылығын түсіндіруге арналған кездесу өтті.
Іс-шараға қала әкімдігі мен Әулиеата аудандық әкімдігінің өкілдері, «Шайқорық» отбасы денсаулығы орталығының медбикесі, сондай-ақ қалалық санитарлық-эпидемиологиялық бақылау басқармасының мамандары қатысты.
Кездесу барысында жұқпалы аурулардың таралу жолдары, профилактикалық екпелердің рөлі, сондай-ақ вакцинаны алу мерзімдері жөнінде жан-жақты ақпарат беріліп, тұрғындарға ақпараттық таратпа материалдары таратылды.
Вакцина – өзіңді де, өзгені де қорғайтын сенімді қалқан екенін еске саламыз.