Эпидемиолог дәрігерлердің тұжырым жасауы бойынша COVID-19-ды жеңудің бірден бір жолы – вакцинация.
Бұл орайда халқының 70-80 пайызы екпе салдыру арқылы бүгінде бұрынғыша қалыпты өмір сүру салтына көшкен Израиль мемлекетін мысалға келтіруге болады.
Десек те індетке қарсы күресте вакцинаның тиімділігіне күмәнмен қарайтындар аз емес.
Бұл орайда әсіресе, әлеуметтік желі – Whatsapp арқылы тарап жатқан түрлі жазбалар, роликтер, екпенің зияны туралы тұжырымдамалар онсыз да күпті көңілді одан сайын айныта түскендей.
Бірінші кезекте. Әрі отбасымды, барша дос-жаран, туыстарымды, жақындарымды екпе алуға үгіттеп жүрмін.
Бір ғана мысал, былтыр жаз кезіндегі жағдайды еске алайықшы…
Індет кең етек жайғанда білікті деген маман дәрігерлердің өзі не істерін білмей абдырап қалған жоқ па?!
Халық дәріханалардың есігін тоздырып, ұзын-сонар кезекке тұрып, табылған дәріні қымбат бағасына және сапасымен сертификатына қарамай алып жатты.
Шыбын жанын сақтап қалу үшін арпалысты. Қаншама ардақтыларымыздан айрылдық.
Сол кездің өзінде-ақ қазақстандық ғалымдарымыз қол қусырып жатпай вакцинаны зерттеп, сынақтан өткізумен болды.
Ал, енді сол вакцинаның пайдасын ғалымдарымыз дәлелдеп, оны Үкіметіміз халыққа тегін салдыруға мүмкіндік жасап отырғанда «зиян екен» дегенді шығардық.
Мен сіздерге айтайын, бұл вакциналарды ғалымдар әбден зерттеп, тәжірибеден өткізген соң ең алдымен өздеріне салады.
Жазылмаған қағида сондай. Сосын барып халыққа ұсынады.
Әрине, екпені қабылдау әр азаматтың өз құқығы. Біреуді қинап, зорлықпен вакцина салдыра алмайды. Бірақ, білесіз бе, біз күн сайын екпе салдырғандар туралы мәліметтерге мән берсек.
Солардың арасында керісінше жасы 50-ден асқандар көп. Жасы 70-80-дегі ата-апаларымыз белсенді.
Олар вакцина салдыру жұқпалы дерттің дендеп кетпеуіне кепіл болатыны хабарлаған кезден-ақ, емханаларға барып екпе алуға ерікті түрде өтініш білдірген.
Ал, созылмалы ауруы бар азаматтарды емхана дәрігерлері толық тексеруден өткізіп барып рұқсат беруде. Олардың да арасында екпені қабылдау – қауіпсіз екенін түсінгендері көп.
Жалпы вакцинаның шығу тарихына үңілетін болсақ 200 жылға шегініс жасарымыз анық.
Адамзаттың денсаулығына қатысты түрлі дерттерге байланысты соншама жыл бұрын екпе жасау ісі қолға алынған.
Соның нәтижесінде халықты қынадай қырып бара жатқан түрлі вирустарды тоқтатуға қол жеткізді.
Дүниеге бала келе салысымен перзентханада алғашқы 12 сағаттың ішінде екпе егіледі.
Нәрестенің сау-саламат өсуіне, жұқпалы аурулардан аман болуы үшін ай сайын салдыратын түрлі вакциналар тағы бар. Бұл да сол сияқты.
Індетті жұқтырған жағдайда да, оған қарсы тұра алатын иммунитетті күшейтуге арналған вакцина.
Сондықтан өзім де салдырдым, сіздерді де шақырамын.
Игілік ауылдық округінің бөлімше басшысы
