Талас ауданы әкімдігінің дене шынықтыру және спорт бөлімі мен Қаратау воллейбол федерациясының ұйымдастырылуымен 2022 жылдың 5 ақпанында бастау алған қысқы біріншілік өз мәресіне жетті. Ұйымдастырылған спорттық шараның басты мақсаты — салауатты өмір салтын насихаттап, жас волейболшылардың шеберлігін шыңдау. Себебі барлық жастағы ел азаматтары арасында бұқаралық спортты дамыту маңызды. Жалпы ұйымдастырылған жарысқа қыздардан құралған 6 команда және 8 ұлдар командасы қатысты. 3 аптаға созылған жарыс өте тартысты өтті. Жарыс қорытындысы бойынша қыздар арасында бірінші орынды қаладағы А.С.Пушкин атындағы орта мектеп оқушылары жеңіп алса, екінші орынға Майтөбе ауылы, А.Дәулетбеков атындағы орта мектеп оқушылары табан тіреді. Жүлделі үшінші орын Көктал ауылының М.Жұмабаев атындағы орта мектеп воллейболшыларына бұйырды. Ал ұлдар арасында Қызыләуіт ауылынан келген М.Қыстаубаев атындағы орта мектебінің волейболшылар командасы үздік атанса, Майтөбе ауылының А.Дәулетбеков атындағы мектебінің спортшылары 2-орынды иеленді. Үздік үштікке А.С.Пушкин атындағы орта мектептің воллейбол командасы енді.
Талас ауданы әкімдігінің баспасөз қызметі
