Мемлекетіміздің ең үлкен қазынасы — адам және оның өмірі саналады. Сондай-ақ халықтың құқығы мен бостандығының қорғалуы да маңызды мәселе. Сондықтан да жылда құқық саласына көрсетілер қолдау артып, есесіне тұрғындардың қауіпсіздігі жіті бақылануда.
Мәселен Сарысу ауданында 2020 жылдың қаңтар — қазан айларында жалпы 152 қылмыс тіркелсе, былтырғы жылдың тиісті кезеңімен салыстырғанда қылмыс саны 57-ге төмендеген. Қылмыстың ашылу деңгейі 82,8 пайызды құрап, өткен жылмен салыстырғанда 0,9 пайызға азайған.
Жыл басынан бері аудан аумағында барлығы 11 жол көлік оқиғасы тіркелсе, соның салдарынан 13 адам дене жарақаттарын алып, 2 адам қайтыс болып отыр. Ал 2019 жылдың 10 айында аудан аумағында барлығы 16 жол көлік оқиғасы орын алса, 41 адам дене жарақаттарын алып, 3 адам қаза болған.
