Отбасы — шағын мемлекет. Түтінің түзу шықсын десең, берекенің кілтін бірліктен іздеген дұрыс. Бүгінде ауданымызда игілікті істерді бірге бастап, кәсіптің көзін тауып жатқан отбасылар баршылық. Солардың бірі — Мейрбековтер отбасы. Қаламыздағы «Бәрі бар» сауда орталығы мен «NEOVIEW» демалыс орынның иелері Әділбек пен Жұлдыз Мейрбековтер үлгілі жанұя ғана емес, кәсібін дөңгелетіп жүрген жандар.
Аудан әкімдігінің ішкі саясат бөлімінің «Сарысу медиа» орталығының қызметкерлері Отбасы күніне орай, қаламыздың дамуына қосқан үлесі үшін Алғыс хат пен естелік сыйлық табыстады. Бүгінде үлгілі жанұя көптеген қайырымдылық шараларынан қалмай, жақсылық жасап, сауапқа кенеліп келеді.