Қазақстан Республикасының №2.04-21-2004 Құрылыс нормалары мен Ережелеріне (СНИП) сәйкес, Жамбыл облысында жылыту маусымның ұзақтығы 164 тәулік болып бектілген.
Тараз қаласында жылыту маусымы 2021 жылдың 6 қазанынан басталып, 2022 жылдың 18 наурызында аяқталуы тиіс болатын.
Алайда, сыртқы ауа температурасы түнгі уақытта төмендеуіне байланысты белгіленген мерзімде жылыту маусымы тоқтатылмай, бүгінгі күнге дейін жылу қуаты беріліп келеді.
Жоғарыда аталған Құрылыс нормалары мен Ережелеріне сәйкес, сыртқы ауаның орта температурасы соңғы 5 тәулікте +8 0С-тан жоғары болған жағдайда жылыту маусымын аяқтау көзделген.
Қазіргі уақытта сыртқы ауа температурасының күрт жылуына (+17-21 0С) байланысты қала әкімінің 2022 жылғы 5 сәуірдегі №25 өкімімен 6 сәуірден бастап қала аумағындағы ыстық су беру мүмкіндігі бар көпқабатты үйлерді үздіксіз ыстық сумен қамтамасыз ете отырып, жылыту маусымын аяқтау жоспарлануда. Осыған байланысты 2022 жылдың 6 сәуірінен бастап Тараз қаласы бойынша жылу беру тоқтатылатындығын хабарлаймыз.
Бұл ретте қажеттілігіне қарай денсаулық сақтау және мектепке дейінгі білім беру мекемелері басшыларының сұраныстарына қарай тиісті мекемелерде жылу беру жалғастырылуы мүмкін.
Жылыту маусымын тоқтату барысында 2022-2023 жылдардағы жылыту маусымына арналған қысымдап тексеру, авариялық нүктелерді жөндеу, жоспарға сәйкес ішкі құбыр желілерін күрделі жөндеу жұмыстары жүргізілетін болады. Жылыту маусымына дайындық жұмыстарын жүргізу барысынды мейілінше ыстық суды өшірмеу жолдары қарастырылуда.
Түсіністік танытқандарыңызға алғыс білдіреміз.
