Фото: Reuters
Жергілікті қытайлық басылымның мәлімінше, жасөспірім кезінде 27 жастағы Ли Юань (аты-жөні өзгертілді) жыныстық жетілудің кешігуінен зардап шеккен. Оның етеккірі келмеді және кеудесі кеш дамыды. Қыз 18 жаста болғанда оған белгілі бір гормондардың нормадан ауытқуы анықталды.
Дәрігерлер аналық бездің жетіспеушілігінен күдіктеніп, оған генетикалық тексеруден өтуге кеңес берді, бірақ ол сол кезде ешнәрсе жасамаған.
Тоғыз жылдан кейін Ли Юань қайтадан дәрігерге барды. Тексеру оның еркек жыныс хромосомалары және тіпті аталық жұмыртқасы бар екенін көрсетті. Аталық без құрсақ қуысында болғандықтан, оның бар екенін ешкім байқамаған.
“Оның себебі сирек кездесетін ауру – туа біткен бүйрек үсті безінің гиперплазиясы болып шықты. Кейбір жағдайларда бұл науқастың жынысын сыртқы түріне, соның ішінде жыныс мүшелеріне байланысты анықтау қиын немесе мүмкін емес болады. «Әлеуметтік тұрғыдан Ли Юань – әйел. Бірақ хромосомасына байланысты бұл – еркек», – деп түсіндіреді гинеколог Дуан Цзе.
Дәрігерлердің ұсынысы бойынша қатерлі ісік дамуын болдырмау үшін аталық безді алып тастады. Енді Ли Юань ұзақ мерзімді гормондық терапия мен қосымша тексерулерден өтеді.
Айта кетейік, 2018 жылы Қытайдың Хунань провинциясында мұндай жағдай тіркелген. Қытайлық әйел бір жыл тұрмыс құрғаннан кейін жүкті бола алмағандықтан дәрігерге жүгінген. Оның да еркек жыныс хромосомалары бар екені анықталды.
Еске салайық, Канада ұлттық футбол құрамасының ойыншысы Ребекка Куинн тарихтағы олимпиада медалін жеңіп алған алғашқы трансгендер екенін жаздық. Финалда канадалықтар Швеция командасын ұтқан болатын. 2020 жылы Куинн әлеуметтік желіде өзінің трансгендерлік ер адам екенін мәлімдеді. Ол туылған кезде әйел жынысты болғанын, бірақ өзін еркек жынысты деп сезінетінін айтқан еді.
