Ол бүлікшілерге жол ашып берген. Ал өзі оқиға орнынан қашып кетті
Ресми мәліметке сәйкес, 5 қаңтарда Қызылорда қаласының тұрғыны бүлікшілерге қосылып, әскери КамАЗ-ды тартып алған. Осы көлікпен жедел басқару орталығына қарасты бейнебақылау камераларын сындырған.
Одан кейін жергілікті полиция қызметі басқармасының қақпасын бұзып, бүлікшілерге жол ашып берген. Ал өзі оқиға орнынан қашып кетті.
Қазіргі кезде Қылмыстық кодекстің 272-бабының 2-бөлігі (Күш қолданумен, қиратумен, өртеумен, бұзумен, мүлiктi жоюмен, атыс қаруын, жарылғыш заттарды немесе жарылыс құрылғыларын қолданумен, сондай-ақ билік өкiлiне қарулы қарсылық көрсетумен ұласқан, оның ішінде шетелдік көздерден алынған қаражатты пайдалана отырып жаппай тәртiпсiздiкке қатысу) және 202-бабының 2-бөлігінің 1-тармағымен (Өрт қою, жарылыс жасау арқылы немесе өзге де жалпы қауiптi тәсілмен жасалған) бойынша сотқа дейінгі тергеу шаралары басталды.
КамАЗ ұрлаған ер адам қамауға алынды. Ол үш жылдан сегіз жылға дейін бас бостандығынан айырылуы мүмкін.
