Наурыз — жыл басы, табиғаттың қайта түлеп, тіршіліктің оянатын шағы. Осы айтулы мереке қарсаңында ауданымыздағы білім ошақтарында «Әз-Наурыз — жаңару мен жаңғыру бастауы!» атты ауқымды абаттандыру жұмыстары бастау алды.
«Туған жерді түлету — перзенттік парыз» демекші, мектеп ұжымы мен оқушыларымыз біріге отырып, білім ордасының ауласын тазалап, көгалдандыруға атсалысуда. Бұл шараның басты мақсаты — қоршаған ортаны қорғауға үлес қосу және жас ұрпақтың бойында еңбекқорлық пен тазалық мәдениетін қалыптастыру.
Шара барысында:
• Мектеп ауласы қоқыстан тазартылды;
• Тал-дарақтар әктеліп, ретке келтірілді;
• Гүлзарлар дайындалып, жаңа көшеттер отырғызылуда.
Тазалық бар жерде — береке бар. Жаңару мерекесін таза айналамен, жарқын көңіл-күймен қарсы алайық!
