Өзбекстан конституциясынан Қарақалпақстанның егемендік мәртебесін алып тастау ұсынылды
Өзбекстан конституциясына түзетулер енгізу барысында Қарақалпақстанның егемендік мәртебесін өзгерту туралы ұсынылды, деп хабарлайды Stan.kz ақпарат агенттігі “Газета uz” порталына сілтеме жасап.
Елдің қолданыстағы конституциясында Қарақалпақстан егемендігін Өзбекстанда сақталған егемен республика ретінде көрсетілген. Сонымен қатар Қарақалпақстан халқының жалпы референдумы негізінде Өзбекстаннан бөлек шығуға құқығы бар екендігі бекітілген болатын. Жаңа конституцияда бұл ережелерді алып тастау ұсынылды.
“Ұсынылып отырған түзетулер қарақалпақ және өзбек халықтарының бірлігін одан әрі нығайтуға және «бір ел — ортақ тағдыр» идеясын бекітуге бағытталған”,-деп мәлімдеді конституциялық комиссияның сарапшылары.
- Қазақстандық банктер мұрагерлерден несие қарызын өндіріп алу тәжірибесінен бас тарту керек — Депутат
25 маусымда Өзбекстанда қоғамдық талқылауға ел конституциясына түзетулер егізу туралы заң жобасы шығарылды. Жалпы негізгі заңның 66 бабына 170 түзету енгізу жоспарланып отыр. Атап айтқанда түзетулермен Президенттің өкілеттік мерзімін бес жылдан жеті жылға дейін ұлғайту және оның өкілеттігін кеңейту ұсынылады. Сондай-ақ, конституцияға түзетулер қабылданған жағдайда Шавкат Мирзиеевтің президенттік мерзімі нөлденеді деп болжануда.
