🔹Күні ертең 2021 жыл аяқталып, өңір дамуының жаңа бір тынысы ашылады. Осы ретте, ағымдағы жылы ауданда түрлі сала мамандары арасынан үздік деп танылған қызметкерлерді аудан әкімі Марат Сұлтанғалиев салтанатты түрде марапаттады.
🔹Аудандық мәдениет үйінде өткен салтанатты шараға аудан активі мен кәсіпорын қызметкерлері, қала мен ауылық округтердің ардагерлері және жергілікті тұрғындар қатысты.
🔹Салтанатты жиында аудан әкімі Марат Қырғызәліұлы өңірдің жаңаша өріс алуына, әлеуметтік әлауқатының артуына аянбай еңбек еткен барлық сала мамандарына азаматтық алғысын айтып, жаңа жылда жаңа табыс тіледі.
🔹Сонымен, салтанатты рәсімде «Жылдың белсенді ардагері», «Қорғаныс саласының үздігі», «Үздік кенші»,«Ең жас ұстаз, дәрігер» және «Парасатты мемлекеттік қызметші» сынды түрлі сала мамандары 29 номинация бойынша марапатталды.
🔹Ерекшелігі сол, марапаттаушылардың тізімінде «Ең жылдам газет таратушы», «Белсенді қоғамдық қызметші», тағы басқа еңбек адамдары да қалыс қалмаған.
🔹Жиын соңында аудан әкімдігінің Баспасөз қызметі дайындаған «Сарысулық сала мамандарының жаңа жылдық құттықтауы» бейне ролигі көрермен қауымға ұсынылды.
Сарысу ауданы әкімдігінің Баспасөз қызметі
