«Қасіретті қаңтар» оқиғасынан кейін облыс әкімдігі жанынан қоғамдық қабылдау кеңесі құрылған болатын. Бүгін аталған кеңестің мүшелері «Ардагерлер үйінде» тұрғындардың мұң-мұқтажына құлақ түрді. Қалалық ішкі саясат бөлімінің басшысы Ұлана Сламбекова, қоғамдық кеңес төрағасы Сембек Сейдәзімов, ардагерлер кеңесінің төрайымы Күләш Әбдікешова, облыстық ардагерлер кеңесінің төралқа мүшесі Оңласын Есіркепов қатысқан басқосуда қоғамдық көліктің жоқтығы, еңбекақының аздығы, көшелерге асфальт төсеп, жарық орнату сынды өзекті мәселелер қозғалды. Бұл туралы толығырақ газетіміздің алдағы санынан оқи аласыздар.
