Жамбыл облысы әкімдігінің мәдениет, архивтер және құжаттама басқармасының қолдауымен «Қарақат» мектеп студиясының ұйымдастыруымен «Жұлдыздар жарқырайды!» атты концерт өтті.
«Баласағұн» орталық концерт залында өткен іс-шарада өнерімен сүйсінткен Ақтөре Орынбасарұлы, Темірлан Жұмаханов сынды К.Әзірбаев атындағы облыстық филармония әртістерінің жетекшілігімен «Қарақат» өнер ордасының талантты бүлдіршіндері өнер көрсетті.
Бүлдіршіндердің жұлдызы жарқыраған концертке Жамбыл облысы әкімдігінің мәдениет, архивтер және құжаттама басқармасы басшысының орынбасары Сара Мадиева қатысты.Концерттік бағдарламада дәстүрлі әншілер мен жетігеншілердің орындауында «Угай-ай», «Ақ бұлақ», «Елік-ай» әндері шырқалып, испан биі, өзбек биі көпшілік назарына ұсынылып, көрерменнің ыстық ықыласына бөленді.
Аталған іс-шара мемлекеттік шығармашылық тапсырыс арқылы үйірмелермен қамту реформасын іске асыру негізінде өткізілді.