🔹Еліміз уақыт өткен сайын түрлі кезеңдерді өткеріп, жаңару мен жаңғырудың жаңа кезеңіне аяқ басуда. Мемлекет басшысы Қасым-Жомарт Кемелұлы Тоқаев айтқандай: «Саяси жаңғыру болмаса, елімізді орнықты дамыту, ауқымды әлеуметтік-экономикалық өзгеріс жасау мүмкін емес». Осы тұжырымды негізге ала отыра Президентіміз Қазақстан халқына «Жаңа Қазақстан: Жаңару мен жаңғыру жолы» тақырыбындағы Жолдауын жолдағаны баршаңызға мәлім.
🔹Ел ертеңі үшін алаңдап, Отанымыздың гүлденуіне шын тілекші ретінде ел Президентінің Жолдауы әр қазақстандықты бей-жай қалдырмауы тиіс. Сонымен қатар, Жолдауда айтылған оң өзгерістердің жүзеге асуына жұмыла кірісу – әрқайсысымыздың азаматтық парызымыз деп білемін!
🔹Жолдау мазмұнында «Қасіретті қаңтар» оқиғасына қатысты айтылған сараптамалар мен ойлар Жаңа Қазақстанды құру жолындағы қадамдарымызға сенімділік бере түскені жасырын емес. Өйткені, Мемлекет басшысының Жаңа Қазақстанды құру қадамдарына қойған ортақ қағидаты – ашықтық пен адалдық. Сонымен қатар, Жолдау барысында барша халықты тебіренткен сәт – елімізде жаңа облыстардың пайда болуы екендігі рас! Бұл өзгерістер — «Жаңа Қазақстанның» кескін-келбетін айқындай түсеріне сенім мол! Одан өзге де партиялық жүйені дамыту, Конституциялық сот құру, Парламенттің рөлін күшейту, Сыбайлас жемқорлықпен күресті күшейту сынды Жолдауда көтерілген мәселелер еліміздің орнықты дамуына септігін тигізері сөзсіз. Ал біздің міндет – Президентіміздің тарапынан бастау алған саяси өзгерістерді қолдау! Себебі, біз бірлікпен күш-қуатымызды еселей білген халықпыз!
📝Ерлан ЖҮНІСБАЙ
Жамбыл облысы әкімдігінің мәдениет, архивтер
және құжаттама басқармасының басшысы
#ТоқаевЖолдауы #Жолдау2022 #NewKazakhstan #CCS #ЖаңаҚазақстан #QazaqstanDa #ПосланиеТокаева #ГлаваГосударства #ПрезидентЖолдауы
