Облыс басшысы Бердібек Сапарбаев ауданымызға жасаған жұмыс сапары барысында «TalasInvestmentCompany» ЖШС—не тиесілі цианид натрий зауытының жұмысымен танысып, кәсіпорын қызметкерлерімен кездесті.Кәсіпорынның Бас директоры Қанат Еркебаев Бердібек Машбекұлына қуаттылығы жылына 15 мың тонна натрий цианидін өндіретін зауыттың стратегиялық жоспарымен бөлісті.
«Болашақта жұмыс көлемін ұлғайту жоспарланып отыр. Ол үшін зауыттың екінші кешені салынуы қажет. Жобаның құны – 25 438 млн. теңге. Егер бұл іс ойдағыдай жүзеге асса, онда жылына 30 мың тонна өнім өндіруге мүмкіндік бар» — деді кәсіпорын басшысы.
2021 жылы 13 480 тонна натрий цианидін өндірген зауыт, жергілікті тұрғындарды тұрақты жұмыспен қамтуға бар күштерін салып жатқандығын айтты. Бүгінгі күнге зауыт 557 адамды тұрақты жұмыспен қамтуда. Басқосуда Бердібек Машбекұлы өндіріс қуатын жылына 30 мың тоннаға дейін жеткізу мақсатында зауыттың екінші кезеңін толық аяқтап, өңірге тартылатын инвестиция көлемін ұлғайту қажеттілігін алға тартты. Айта кетейік, аудандағы алпауыт кәсіпорын өткен жылы жергілікті бюджетке 179,5 млн.теңге салық төлеген.
Талас ауданы әкімінің баспасөз қызметі
