Жаңаөзендегі «Өзенмұнайгаз» кен орнында өрт шығып, бір жұмысшы тірідей жанып кетті

Жаңаөзендегі «Өзенмұнайгаз» кен орнында өрт шығып, бір жұмысшы тірідей жанып кетті. Қайғылы жағдай мұнай компаниясының өндірістік аймағында болған. Қазір осы оқиғаға қатысты қылмыстық іс қозғалды, деп хабарлайды Stan.kz ақпарат агенттігі “КТК” арнасына сілтеме жасап.

Өндірістік аймақтағы жерасты жұмыстарын жүргізу кезінде “Урал” маркалы техника өртенген. Тілсіз жаудан «Кезби» компаниясының жүк көтергіш көлігінің жүргізушісі  қаза тапты. 43 жастағы азамат өрт ошағынан шығып үлгермеген. Өйткені жалын лезде күш алып, алып қондырғының күлі қалған.

«Кезби» компаниясының басшылығы төрт баласы жетім қалған марқұмның жерлеу рәсімін өз мойнына алып, отбасына қаржылай көмек көрсетеміз деп отыр.

Жаңаөзенде «Өзенмұнайгаз» ғимаратының алдында екі ер адам өздеріне пышақ тығып алды

Қазір полиция оқиғаға қатысты іс қозғап, өрттің неден шыққанын анықтауда. Қызыл жалынды ауыздықтауға 30 шақты өрт сөндіруші мен 10 арнайы техника жұмылдырылған.

“№91-80 ұңғыманың жерасты жөндеу жұмыстарын жүргізу кезінде мемлекеттік нөмірі 113 АН Урал маркалы АПРС-40 техникасының толықтай жануы салдарынан бір адам қаза тапты. Өрттің шығу себебі анықталуда. Қылмыстық істер қозғалып, Қарақия ауданының полиция бөлімі айналысуда”, – дейді Маңғыстау облысы ТЖД мемлекеттік өрт бақылау басқармасының аға инженері Мейірбек Исаев.

https://stan.kz/news-366066/