Былтырғы жылы 74,4 мың адам жұмыспен қамтудың белсенді шараларына тартылған. Бұл жайында облыс әкімі Бердібек Сапарбаев есепті жиынында баян етті.
— Өткен жылы «Еңбек» бағдарламасы аясында 57,4 мың адам жұмысқа орналастырылса, «Жұмыспен қамтудың жол картасы» шеңберінде 20 мың адам жұмыс тапты. Ал жаңадан 42,9 мың жаңа жұмыс орны құрылды. Енді биыл 21,9 мың жұмыс орнын құрып, оның 15,3 мыңын тұрақты ету көзделуде, — деді Б.Сапарбаев.
