2023 жылы 8 маусым күні Тараз қаласындағы «Баласағұн» мәдениет сарайында Жаңатас қалалық балалар өнер мектебі 2022-2023 оқу жылының кезекті есеп беру кешін ұйымдастырып өткізді.
Кеш екі бағытта өтілді, атап айтсақ, көркемөнер бағытында «Бейнелеу өнері және СҚӨ» бөлімінің «Шексіз қиял» атты көрмеге 70-тен астам картиналар мен 40-тан астам қолөнер туындылары қойылса, музыка бағыты бойынша «Өнеріңді туған халқыңа арна» атты классикалық концерт өткізді.
Концертте 23 номер беріліп, 72 оқушы өз өнерін көрсетті. Концертте хор, домбырашылар, қобызшылар, мұғалімдер ансамблі, қазақ ұлт-аспаптар оркестрі бірнеше нөмір ойнап, көрерменің көңілінен шыға білді.
Жаңатас қалалық балалар өнер мектебі 1967 жылдан бері үздіксіз жұмыс жасап, өскелең ұрпаққа білім мен өнерді ұштастырып тәрбиелеп келеді.
Биылғы оқу жылын 332 оқушымен, оның ішінде 84 түлек, 72 үздік оқушылармен аяқтап, аудан көлемінде де 23 мамыр күні өз есебін беріп өтті.
Мектепте 27 мұғалім, екі ауылдық бөлімше жұмыс жасайды.
Жұмат Сақыпбеков,
Сарысу ауданы әкімі аппаратының басшысы
