Аудан әкімі Бақытжан Жәнібековтің ауылдардағы жергілікті халықпен кездесуі Жаңа жол ауылында жалғасын тапты. Бірлігі бекем ауылда бүгінде 14 ұлттың өкілдері тату тәтті тіршілік кешуде.
Басқосуда аталған ауылдың ақсақалдары тұтас ауылға қатысты бірнеше мәселені атап өтті. Олардың қатарында ағын су мен жарықтан бөлек, қоқыс полигонына байланысты түйткіл де бар. Сонымен қатар, жаңажолдықтар мәдениет ошағын соғып беруді сұрады. Осыған байланысты, жоғарыда аталған түйткілдерге жауап беріп, алдағы жұмыс жоспарына енгізілді.
Оған қоса, ауыл тұрғындары көтерген мәселелерді көзбен көріп, жауапты мамандарға тиісті тапсырмалар берілді. Қазіргі уақытта Жаңа жол ауылында көше жолдарына орташа жөндеу жұмыстары жүргізіліп жатқанын да айта кеткен жөн. Бұл жұмыстардың да басы-қасында болып, жауапты мердігерге жұмыстың сапасы мен мерзіміне қатысты нақты тапсырма жүктелді.
