«Біз балаларымыз үшін, бостандық үшін күресіп жатырмыз, сондықтан біз жеңеміз. Сегіз миллионнан астам украиндықтар қаза тапқан Екінші дүниежүзілік соғыста ата-бабаларымыздың ерлігін ешқашан ұмытпаймыз. Жақында Украинада екі Жеңіс күні болады. Ал кейбіреуде оның бірі де қалмайды», — деді Владимир Зеленский.
Украина президенті сонымен қоса ел тарихының ешқандай бөлігін бөтенге беріп қоймайтынын айтты.
«Біз бүгін соғысып жатырмыз және ешкімге жеріміздің бөлігін беріп қоймаймыз. Бүгін біз нацизмді жеңген күнді тойлап жатырмыз және тарихымыздың титымдай бөлігін бөтенге бермейміз. Біз өзге халықтармен бірге антигитлерлік коалицияның құрамында нацизмді жеңген ата-бабаларымызды мақтан тұтамыз. Және бұл жеңісті ешкімге жекешелеп алуға, иеленіп кетуіне жол бермейміз», — деп баса айтты Зеленский.
ttps://stan.kz/zhakinda-ukrainada-eki-zhenis-kuni-boladi—zelenskiy-364210/
