Жамбыл ауданы әкімінің 2022 жылдың 30 наурыздағы №79 өкімімен Жомарт Тешебайұлы Телеуов Жамбыл ауданы әкімінің орынбасары лауазымына тағайындалды.
Аудан әкімі Ерлан Қыдыралыұлы жаңа тағайындалған орынбасарға ауылшаруашылығы саласында тың серпімді қалыптастыру, шаруалар жайынан толықтай хабардар болу және басқада тапсырмаларды тапсырды.
Жомарт Тешебайұлы Телеуов 1965 жылы 20 мамырда туған.
1992 жылы Алматы қаласындағы Әл-Фараби атындағы мемлекеттік университетін «Заңтану» мамандығы бойынша бітірген.
Еңбек жолын 1987 жылы Свердлов ауданы Абай атындағы колхоздың мүшесі болып бастаған.
1992-2015 жылдары Жамбыл облыстық көлік прокуратурасында кеңсе меңгерушісі, Жамбыл қалалық Заводской аудандық прокуратурасының тергеушісі, аға тергеушісі, Заводской аудандық прокурорының көмекшісі, Тараз қалалық прокурорының көмекшісі, аға көмекшісі, Сарысу аудандық прокурорының орынбасары, Байзақ аудандық прокурорының аға көмекшісі, Жамбыл аудандық прокурорының орынбасары, Мойынқұм аудандық прокурорының орынбасары, Жамбыл облыстық прокуратурасының заңдылығын тергеу және анықтау жөніндегі қадағалау басқармасының аға прокуроры, Жамбыл облыстық прокуратурасының сотқа дейінгі қылмыстық процесстің заңдылығын қадағалау басқармасының аға прокуроры,
2016-2018 жылдары Жамбыл ауданы әкімі аппаратының мемлекеттік-құқықтық жұмыс бөлімшесінің басшысы,
2018-2022 жылдары Жамбыл ауданы әкімінің аппарат басшысы қызметтерін атқарған.
Жамбыл ауданы әкімінің баспасөз қызметі
