Жамбыл облысы әкімдігінің ішкі саясат басқармасының басшысы Алмас Садубаев «Қоғамдық келісім» КММ қызметкерлерімен кездесті

Ағымдағы жылдың 2 ақпанында «Қоғамдық келісім» КММ ғимаратында Жамбыл облысы әкімдігінің ішкі саясат басқармасының басшысы Алмас Садубаев «Қоғамдық келісім» КММ қызметкерлерімен кездесті.

Кездесудің мақсаты– «Жамбыл облысы әкімдігінің ІСБ «Қоғамдық келісім» КММ қызметін дамыту және жандандыру перспективаларын талқылау.

Күн тәртібіндегі Жамбыл облысы әкімдігінің ІСБ «Қоғамдық келісім» КММ 2021 жылғы жұмыс қорытындылары және 2022 жылға арналған жұмыс жоспары, оны бекіту мәселелері бойынша аталмыш мекеме басшысы Парида Мамедова баяндама жасады. Отырыс барысында Парида Иманжанқызы жалпы Жамбыл облысы бойынша аймақтарда шоғырланған этнос өкілдерінің қоғамдық тіркеуден өткені жөнінде мәлімет бере отырып, «Қоғамдық келісім» КММ қызметін қаржымен қамтамасыз ету, облыстық ассамблеяның құрылымдарының қызметі, штаттық кестемен бекітілген КММ қызметкерлері, облыстағы этносаралық ахуал, сондай-ақ, «Медиация» кабинеті, «Баспасөз қызметі» орталығы, оның ішінде Журналистер клубы, «Ғылыми-сараптамалық» бөлім, «Қоғамдық-көпшілік іс-шаралар ұйымдастыру» бөлімі, «Этносаралық қатынастар саласында әдістемелік көмек көрсету және мониторинг жүргізу» бөлімі, Көрме залы бірлесіп жасаған және жасайтын іс-қимылдары жөнінде есеп берді.

Сонымен бірге, облыстық ҚХА жанындағы Аналар кеңесі, «Жаңғыру Жолы» жастар қозғалысының өңірлік штабы, Қоғамдық келісім кеңесінің 2021 жылғы атқарған істері мен 2022 жылға жоспарланған жоспарлары да сөз болды.

Ерекше атап айта кетейік, 2022 жылдың жоспарлары бойынша облыстық Қазақстан халқы ассамблеясында өзгерістер күтілуде. Өзгерістер қатарына —

Жобалық офис ашу, «Ассамблея бөбектері» пилоттық жобасын қолға алу, Журналистер клубы мүшелерінің этносаралық қатынастарға қатысты жиі іссапарларға шығуы, Медиация кабинеті бойынша этномедиация саласында этномедиатор мамандарын дайындау, іс-шаралар ұйымдастыру саласы бойынша облыстық ассамблеяның этнос костюмдерін жаңалау, т.б. жобалар және оларды жүзеге асырудың қағидаттарын бекіту туралы мақсат-міндеттер қойылды.

Мемлекеттің дамуы мен өсіп-өркендеуінің темірқазығына айналған – этносаралық татулық пен өзара келісімді нығайту мақсатында отырыстың модераторы Алмас Қадырбекұлы Садубаев та «Қоғамдық келісім» ұсыныстарын, көңілге сиятын ұсынылған жобаларына қатысты өз пікір-ұсынысын білдірді. Ішкі саясат басшысы ұсыныстар қатарына — облыстық телеарналардан ассамблеяның жұмысын көрсете алатын арнайы телебағдарлама ашу, жас журналистердің сайтын ашу, этнос өкілдерімен байланысты күшейту, аудан жастарымен тыңғылықты жұмыс жасау, бірлік пен келісім бағытында жастарға тәрбиелік-идеологиялық түсіндіру жұмыстарын жүргізу сияқты бірқатар өзіндік ой-ұсыныстарын ортаға салып, бірге талқыласып, көмек беріп қолдау жасайтынын да атап өтті.

Сондай-ақ, «Қоғамдық келісім» КММ қызметкерлерін Жаңа Қазақстанды дамыту бағыты бойынша аймақтық ассамблеяның қызметін дамыту және жандандыру жолында ішкі саясат басқармасымен жұмыла отырып жұмыс жасауға шақырып, алдағы жұмыстарына сәттілік тіледі.

Жамбыл облысы әкімдігінің ішкі саясат басқармасының

«Қоғамдық келісім» КММ Баспасөз қызметі орталығы