Бүгін Үкіметтің кеңейтілген отырысында еліміздің Премьер-Министрі Асқар Мамин өткен жылы әлеуметтік-экономикалық даму бойынша Жамбыл облысы көш басында келе жатқанын баса айтты.
— Ел экономикасының дамуында облыстардың алар орны ерек екені белгілі. Былтырғы жылы 7 бағыт бойынша Жамбыл, Солтүстік Қазақстан, Қызылорда, Атырау, Алматы, Батыс және Шығыс Қазақстан облыстары мен Алматы қаласы әлеуметтік-экономикалық даму көрсеткіштері бойынша өзге өңірлерден көш ілгері болды, — деді Премьер-Министр.
