✳️Пандемия басталғалы Жамбыл облысында коронавирустық инфекцияның 26 741 жағдайы тіркелді. Ал соңғы аптада 34 тұрғын, өткен тәулікте 3 адам жұқпалы дертке шалдыққан. Өңірде қауіпті індеттің алғашқы дерегі 2020 жылдың 24 наурызында тіркелген. Қазір Жамбыл облысы «жасыл» аймақта.
✅Бұл туралы ӨКҚ баспасөз алаңында жергілікті санитариялық-эпидемиологиялық бақылау департаменті басшысының орынбасары Неили Муликова айтты. Оның пайымынша, қазіргі медицинаның жетістіктерге қарамастан, адамзат жұқпалы ауруларды әлі жеңе алған жоқ. Аурулар барлық жерде пайда болуы мүмкін және тез таралады. Бұған туризмнің белсенді дамуы, көші-қон процестерінің өсуі, жаңадан пайда болған және қайта оралған аурулар санының өсуі ықпал етеді. Бұған коронавирустық инфекция бір мысал болды.
©️©️©️
«Бүгінде әлемде 1,5 мыңнан астам жұқпалы аурулар мен олардың қоздырғыштары бар. 30-дан астам инфекцияға қарсы әлем елдерінің егу күнтізбелеріне кіретін тиімді және қауіпсіз вакциналар әзірленді. Жаппай вакцинациялау көптеген қауіпті аурулардың туындау жиілігінің төмендеуіне, тіпті оларды жоюға алып келді. Мысалы, бүкіл әлемде шешекті жою, А және В гепатиттерін, қызылшаны, қызамықты, сіреспенің жекелеген жағдайларын 100 еседен астам азайту екпе арқылы жүзеге асқан. Біздің елімізде 20 жұқпалы ауруға қарсы екпе жүргізілуде. Сол сияқты, коронавирусты да жоюдың басым бағыттарының бірі — ұжымдық иммунитетті құру. Ол үшін халықтың кемінде 70 %-ын вакцинациялау қажет», — деді Неили Орынбасарқызы.
💉Оның мәліметінше, Жамбыл облысында КВИ-ге қарсы вакциналау Sinovac, Hayat Var, QazVac, ГамКовидВак, Комирнати сияқты вакциналардың бірнеше түрімен жүргізілді. Яғни, тұрғындарда қандай вакцина егуді таңдау мүмкіндігі болды. Бүгінде аймақта 18 жастан асқан 619 795 адам екі мәрте вакцинациямен қамтылды. Сонымен қатар, 69 281 жасөспірім, 2 437 жүкті және 5 032 бала емізетін әйел екі екпе алды, ал 311 249 адам қайта вакцинацияланды.
©️
Өңірлік коммуникациялар қызметі
